පුහුණුකරුවා
පැවරුම්
මම පැවරුම් නිර්මාණය කරන්නේ කෙසේද?
පැවරුම් නිර්මාණය කිරීම සඳහා, ඔබේ පුහුණුකාර මණ්ඩලයේ තිබෙන පැවරුම් කෙටිමං සාදන්න / කාලසටහන්ගත කරන්න යන්න මත ක්ලික් කරන්න.
ඉන්පසු නව පැවරුමක් සාදන්න බොත්තම ක්ලික් කරන්න. ඊළඟට, පැවරුම ලබා දෙන කණ්ඩායම තෝරා පැවරුම සඳහා අවසාන දිනය තීරණය කරන්න. ඉන්පසු ඔබට අභ්‍යාස එකක් හෝ කිහිපයක් එකතු කළ හැකිය; කීයක්ද යැයි සීමාවක් නොමැත. අවසාන වශයෙන්, නිල් පැහැති පැවරුම් බොත්තම මත ක්ලික් කරන්න, එවිට සියලුම ඉගෙනුම ලබන්නන්ට ඔවුන්ගේ ශිෂ්‍ය මණ්ඩලය මත එම පැවරුම දිස්වනු ඇත.
දැන ගැනීමට වටිනවා: සාදන ලද සෑම පැවරුමක්ම බාරදුන්නත් (ඔබෙන් ඉගෙනුම ලබන්නන්ට යවන ලද) නැතත්, ඔබ එය මකා දමන තුරු ඔබේ පැවරුම් වැඩබිමේ සුරැකී තිබෙනු ඇත.
- දී ඇති නියමිත කාලය ඉක්මවා නොමැති නම්, ඉගෙනුම ලබන්නන්ට පවරා තිබුනත් නැතත් ඔබට පැවරුම් වල වෙනස්කම් සිදු කළ හැකිය. ඉගෙනුම ලබන්නන්ට පවරා ඇති පැවරුම් වල සිදුවන වෙනස්වීම පිළිබඳව ඔවුනගේ ශිෂ්‍ය මණ්ඩලය හරහා දැනුම් දෙනු ලැබේ.
- දී ඇති දිනය පසුවී නොමැති නම් ඔබට පැවරුමක් සඳහා වන අවසාන දිනය වෙනස් කළ හැකිය; වෙනස් කළ දිනය පිළිබඳව ඔබෙන් ඉගෙනුම ලබන්නන්ට ඔවුන්ගේ ශිෂ්‍ය මණ්ඩලය හරහා දැනුම් දෙනු ලැබේ. දිනය ඇතුළත් වේ: මේ අනුව අවසාන දිනය 24/09/21 නම්, ඉගෙනුම ලබන්නන්ට 24/09/21 දින පැය 2359 දක්වා එයට ප්‍රවේශ විය හැකිය.
- එකම කණ්ඩායම සඳහා පැවරුම් දෙකකට එකම අවසාන දිනයක් තිබිය නොහැක.
පැවරුමකට ඉගෙනුම් ඒකක එකතු කරන්නේ කෙසේද?
ඔබ නිර්මාණය කරන පැවරුමකට ඉගෙනුම් ඒකකයක් එක් කිරීම සඳහා, ඔබට විකල්ප කිහිපයක් තිබේ:
- පැවරුම් පිටුවේ, සක්‍රීය පැවරුම සඳහා අභ්‍යාසයක් එක් කරන්න යන්න මත ක්ලික් කරන්න. එවිට ඔබට අභ්‍යාසයේ වර්ගය තෝරා ගත හැකිය, ඒ සඳහා නාමාවලි පිටුවල අන්තර්ගතය ගවේෂණය කිරීම හෝ සෙවුම් මෙවලම් භාවිතා කිරීම මඟින් ඔබට උදව් ලබා ගත හැක. ඔබ කැමති අභ්‍යාසයක් සොයාගත් විට, අභ්‍යාස සංක්ෂිප්තයේ (තම්නේලයේ) ඇති රෝස පැහැති එකතු කිරීමේ ලකුණ සහිත අයිකනය මත ක්ලික් කර එය කණ්ඩායමකට පවරන්න.
- වෙබ් අඩවිය ගවේෂණය කිරීමේදී ඔබ කැමති අභ්‍යාසයකට බාධා පැමිණේ නම්, එකතු කිරීමේ ලකුණ සහිත අයිකනය මත ක්ලික් කර ඉගෙනුම් ඒකකය ඔබ දැනට වැඩ කරමින් සිටින පැවරුමකට එක් කළ හැකිය, නැතහොත් එම ඉගෙනුම් ඒකකය ඇතුළත් නව පැවරුමක් නිර්මාණය කළ හැකිය. තවමත් නිර්මාණය කර නොමැති කණ්ඩායම් පැවරුමකට ඔබට ඉගෙනුම් ඒකකයක් එක් කළ නොහැකි බව කරුණාවෙන් සලකන්න.
- අනෙක් අතට, ඔබ තවමත් පැවරුමක් නිර්මාණය කර නොමැති නමුත් පසුකාලීන භාවිතය සඳහා අභ්‍යාසයක් සලකුණු කර තබා ගැනීමට කැමති නම්, සංක්ෂිප්තයේ (තම්නේලයේ) ඇති තරු අයිකනය මත ක්ලික් කර (ජංගම දුරකථන සහ ටැබ්ලට් පරිගණකවලදී පළමුව ඒකකය විවෘත කර තරු අයිකනය මත ක්ලික් කරන්න) ඔබගේ ප්‍රියතම ලැයිස්තුවට ඒකකය එක් කරගන්න. ඔබ නව පැවරුමක් නිර්මාණය කරන විට, පසුව එය සොයා ගැනීම පහසු වීම සඳහා: ඔබ කළ යුතු වන්නේ ඔබේ ප්‍රියතම ලැයිස්තුවට ආපසු ගොස් අභ්‍යාසයේ ඇති එකතු කිරීමේ ලකුණ සහිත අයිකනය මත ක්ලික් කර එය ඔබ වැඩ කරමින් සිටින පැවරුමට එකතු කිරීම හෝ එයින් නව පැවරුමක් නිර්මාණය කිරීම ය.
ඔබ දැනටමත් ඔබෙන් ඉගෙනුම ලබන්නන්ට පවරා ඇති පැවරුමකට ඉගෙනුම් ඒකකයක් එක් කිරීමට හෝ මකා දැමීම සඳහා:
- පැවරුම් පිටුවේ, ඔබ වෙනස් කිරීමට බලාපොරොත්තු වන පැවරුම වෙත යන්න.
- මකන්න හෝ පැවරුමේ ඒකක මකාදැමීම හෝ එකතු කිරීම සිදු කරන්න
- ඔබගේ වෙනස් කිරීම් ගැන ඔබ සෑහීමකට පත්සවූ පසු, පැවරුමේ ඇති වෙනස්කම් සුරකින්න නමැති බොත්තම ක්ලික් කරන්න. ඔබෙන් ඉගෙනුම ලබන්නන්, වෙනස් කළ පැවරුම පිළිබඳව ඔවුනගේ ශිෂ්‍ය මණ්ඩලය හරහා දැනගනු ඇත.
දැන ගැනීම සතුටක්: ඔබ සියලු නම්‍යශීලී බව රඳවා ගනී. ඔබට එක් පැවරුමකට ඉගෙනුම් ඒකක 99 ක් දක්වා පැවරිය හැකි අතර ඔබට එක් කණ්ඩායමකට පැවරිය හැකි පැවරුම් ගණන සඳහා සීමාවක් නොමැත. ඊට සම්බන්ධ වැඩ ප්‍රමාණය සහ එය සම්පූර්ණ කිරීම සඳහා අපේක්ෂිත කාලය නියම කිරීම (දින, සති, සම්පූර්ණ වාරයක් ...) තෝරා ගැනීම ඔබ සතු ය. නියමිත කාලසීමාව වෙනත් පැවරුමක් සඳහා වන කාලසීමාව සමඟ සමපාත නොවන්නේ නම්, කණ්ඩායමකට එකවර පැවරුම් කිහිපයක්ම වුවද කරගෙන යා හැකිය.
මොඩියුලයක් සම්පුර්ණ කර ඇත්දැයි මා දැන ගන්නේ කෙසේද?
නිකුත් කරන ලද සෑම පැවරුමකම, ඉගෙනුම ලබන්නන්ගේ අනුකූලතාවයේ වත්මන් තත්වය ඔබට නිරීක්ෂණය කළ හැකිය. සම්පුර්ණ කරන ලද ඉගෙනුම් ඒකක සඳහා එක් එක් ඉගෙනුම ලබන්නන් ලබාගත් ලකුණු, ඔවුන්ගේ නම් සමඟ ප්‍රදර්ශනය කෙරේ.
කෙරෙමින් පවතින පැවරුම් වල නියමිත කාලය අවසන් වන තෙක් තව දින කීයක් ඉතිරිව ඇත්දැයි දැන ගැනීම සඳහා ඔබට ඔබේ පුහුණුකාර මණ්ඩලය වෙත යොමු විය හැකිය.
දැන ගැනීමට වටිනවා: නියමිත කාල සීමාව ඉක්මවා නොමැති නම්, ඉගෙනුම ලබන්නකුට පැවරුමක ඕනෑම හෝ සියලුම ඉගෙනුම් ඒකක නැවත ධාවනය කළ හැකි අතර මෙම කාලය තුළ ඉගෙනුම ලබන්නාගේ එක් එක් ඉගෙනුම් ඒකකයේ හොඳම ලකුණු, අවසාන ලකුණු ලෙස රඳවා ගනු ලැබේ. නියමිත කාලය අවසන් වූ විගසම, එම නිශ්චිත පැවරුම සඳහා ලබාගත් ලකුණු තවදුරටත් වෙනස් කළ නොහැකි නමුත්, ඉගෙනුම ලබන්නාට පැවරුමෙන් පරිබාහිරව එම ඉගෙනුම් ඒකකය සඳහා ඔහුගේ හෝ ඇයගේ ලකුණු ප්‍රමාණය වැඩි දියුණු කර ගත හැකිය.
කණ්ඩායම් කිහිපයකට එකම පැවරුම නිකුත් කරන්නේ කෙසේද?
නැත, ඔබට එකවර කණ්ඩායම් කිහිපයකට එකම පැවරුම ලබා දිය නොහැක. කෙසේ වෙතත්, ඔබට පැවරුමක් අනුපිටපත් කළ හැකි අතර එමඟින් එහි පිටපතක් වෙනත් කණ්ඩායමකට පැවරිය හැකිය. මෙය සිදු කිරීම සඳහා, ඕනෑම පැවරුමක ඇති “අනුපිටපත්” අයිකනය මත ක්ලික් කරන්න (ජංගම දුරකථන සහ ටැබ්ලට් පරිගණකවල, “අනුපිටපත් සහ පැවරීම” බොත්තම ක්ලික් කරන්න). මෙය ඔබට ඕනෑම කණ්ඩායමකට පැවරිය හැකි හෝ වෙනස් කළ හැකි හා පසුව පැවරිය හැකි පැවරුමේ සමාන පිටපතක් නිර්මාණය කරනු ඇත. අවසාන දිනයක් එක් කිරීමට අමතක නොකරන්න, එසේ නොමැතිනම් ඔබට අනුපිටපත් පැවරුම වෙනත් කණ්ඩායමකට පැවරීමට නොහැකි වනු ඇත.
දැන ගැනීමට වටිනවා: ඔබට ඕනෑම පැවරුමක් ආකෘතියක් ලෙස භාවිතා කළ හැකිය, එමඟින් ඔබ අනුපිටපත් කර එය ඔබට අවශ්‍ය තරම් කණ්ඩායම්වලට පැවරිය හැකිය.
මම පැවරුමක් මකා දැමූ විට සිදුවන්නේ කුමක්ද?
ඔබට සම්පූර්ණ පැවරුම් මකා දැමිය හැකිය, නමුත් ඒවා තවමත් නියම කර නොමැති නම් හෝ තවමත් ක්‍රියාත්මක වෙමින් පවතී නම් පමණි. පැවරුම සඳහා අවසාන දිනය පසු වී ඇත්නම්, ඔබට එය තවදුරටත් මකා දැමිය නොහැක. ක්‍රියාත්මක වෙමින් පවතින පැවරුමක් මකා දැමූ විට, එය සිසුන් සඳහා ද මකා දමනු ලැබේ (අවලංගු කරන ලද පැවරුම පිළිබඳ දැනුම් දීමක් ඔවුන්ගේ ශිෂ්‍ය මණ්ඩලයට ලැබෙනු ඇත), නමුත් පවරා ඇති ඉගෙනුම් ඒකකවල ඔවුන්ගේ ලකුණු සිසුන්ගේ දත්තවල පවතිනු ඇත.
මගේ සිසුන් ද වෙනත් භාෂාවක් ඉගෙන ගන්නේ නම් සහ ඔවුන්ගේ ගුරුවරයා ඔවුන්ට පැවරුම් ලබා දෙන්නේ නම් කුමක් සිදුවේද?
යම් භාෂාවක් සඳහා ඉගෙනුම් පැනලයේ පෙන්වනු ලබන්නේ එම ඉලක්කගත භාෂාවේ පැවරුම් පමණි; උ.දා., ඉගෙනුම ලබන්නෙක් දැනට ඉංග්‍රීසි ඉගෙනීම සඳහා Linguaphone Connect එක භාවිතා කරන්නේ නම්, ඉගෙනුම ලබන්නාට පෙනෙන්නේ ඉංග්‍රීසි ඉගෙනීම සඳහා ඇති පැවරුම් සහ ඇගයීම් පරීක්ෂණ දැනුම්දීම් පමණි. ඔහු වෙනත් භාෂාවක් ද අධ්‍යයනය කරන්නේ නම්, ඉගෙනුම ලබන්නා විසින් එම භාෂාව සඳහා අදාළ පැවරුම සහ පරීක්ෂණ තොරතුරු තම ඉගෙනුම් පැනලය මත බැලීමට ඉගෙනුම් භාෂාව (වෙනස් කිරීමේ බොත්තම හරහා) මාරු කළ යුතුය.